Marrë nga Tonin Frroku
Dr. Kozeta Miliku është përzgjedhur nga The Globe and Mail, gazeta më prestigjioze e Kanadasë, mes studiuesve të rinj më të spikatur të vendit, duke u vlerësuar për kontributin e saj të rëndësishëm në kërkimet shkencore mbi shëndetin e fëmijëve.
E diplomuar në mjekësi në Shqipëri dhe aktualisht pedagoge në Universitetin e Torontos, Dr. Miliku udhëheq studime që fokusohen në ndikimin e ushqyerjes dhe faktorëve të hershëm të jetës në rrezikun për obezitet dhe sëmundje kronike tek fëmijët.
Ky vlerësim përbën një arritje të rëndësishme jo vetëm për karrierën e saj, por edhe një dëshmi se profesionalizmi, përkushtimi dhe talenti i shqiptarëve po marrin vlerësimin e merituar në institucionet më prestigjioze të botës.
Historia e Dr. Kozeta Milikut është një frymëzim për brezat e rinj që synojnë të ndërtojnë një karrierë në kërkimin shkencor dhe në shërbim të shëndetit publik.
