Një aksident automobilistik është regjistruar në aksin rrugor Fier-Patos, në zonën e quajtur “Çezma e Mbyetit”.
Ngjarja përfshiu një makinë tip Audi, që drejtohej nga shtetasi me inicialet U. Xh., dhe një tjetër automjet tip Volkswagen, me drejtuesin N. D..
Përplasja e fuqishme ka lënë të plagosur drejtuesin e mjetit Audi, i cili është dërguar menjëherë në Spitalin Rajonal të Fierit dhe është nën kujdesin e stafit mjekësor.
Aktualisht, forcat e Policisë janë në vendngjarje dhe po kryejnë hetime për të zbuluar shkaqet dhe rrethanat e aksidentit, si dhe për të siguruar rregullin në qarkullimin rrugor.
