Departamenti Amerikan i Shtetit (DASH) ka reaguar ndaj situatës së fundit të emigracionit në Spanjë, duke e vlerësuar krizën si një rrezik të hapur për sovranitetin dhe të drejtat e qytetarëve evropianë.
Me anë të një deklarate zyrtare, Uashingtoni ka theksuar mbështetjen për popullin spanjoll dhe shtetet e tjera të Evropës, ndërkohë që ka adresuar kritika të drejtpërdrejta kundër autoriteteve në Madrid.
“Shtetet e Bashkuara mbështesin popullin e Spanjës dhe të gjithë evropianët kundër kësaj shkeljeje të rëndë të sovranitetit dhe të drejtave të tyre të njeriut.
Ky incident i papranueshëm është rezultat i drejtpërdrejtë i përpjekjeve të qëllimshme të Qeverisë Spanjolle për të mundësuar dhe lehtësuar migrimin masiv të paligjshëm në Evropë.
Ne po shqyrtojmë veprime për të mbrojtur amerikanët brenda dhe jashtë vendit nga ky kërcënim dhe jemi të gatshëm të ndihmojmë aleatët e tjerë evropianë që po shqyrtojnë mundësi të ngjashme”, thuhet në reagim.
