Një zjarr shpërtheu pasditen e së premtes në një nga zonat kryesore të Tiranës, pranë Xhamisë së Namazgjasë, duke shkaktuar shqetësim mes banorëve dhe kalimtarëve të asaj zone.
Sipas të dhënave të para, zjarri ka përfshirë një segment të parkimit nëntokësor të xhamisë. Nuk raportohet për të lënduar deri në këtë moment, ndërkohë që informacioni mbi dëmet materiale ende mungon.
Menjëherë pas njoftimit, zjarrfikësit mbërritën në vendngjarje dhe po punojnë për të vënë nën kontroll flakët, si dhe për të ndaluar përhapjen e zjarrit në zonat përreth.
