Partia Demokratike ka bërë publike propozimin e saj për rishikimin e reformës administrativo-territoriale, duke sugjeruar ndryshime në organizimin e pushtetit vendor në qarkun e Shkodrës.
Sipas bashkëkryetarit të komisionit të reformës territoriale të PD-së, Luciano Boçi, projekti parashikon që qarku të përbëhet nga tetë bashki. Në këtë skemë propozohet rikthimi i Koplikut, Drishtit dhe Velipojës si bashki më vete.
Boçi u shpreh se ky riorganizim do të mundësonte një administrim më të afërt me qytetarët dhe shërbime më efikase, duke u mbështetur në karakteristikat historike, gjeografike dhe potencialin ekonomik të secilës zonë.
