Deputeti i Partisë Demokratike për qarkun e Shkodrës, Bardh Spahia, ka reaguar pas tragjedisë së rëndë të ndodhur në fshatin Domen të Postribës, ku një nënë e re dhe dy fëmijët e saj të mitur humbën jetën si pasojë e zjarrit që përfshiu banesën e tyre.
Përmes një mesazhi ngushëllimi, Spahia e cilësoi ngjarjen si një dhimbje të papërshkrueshme që prek jo vetëm familjen, por mbarë opinionin publik.
Ai u ka përcjellë ngushëllimet më të sinqerta familjarëve dhe të afërmve të viktimave, duke uruar që të gjejnë forcë për të përballuar humbjen e rëndë
Reagimi i deputetit Bardh Spahia:
Ka ngjarje që të lënë pa fjalë e dhimbje që nuk përshkruhen.
E tillë është kjo e sotmja në familjen Çobaj në fshatin Domen, të Postribës, ku humbën jetën në mënyrë tragjike Blerina Çobaj dhe dy fëmijët e saj të mitur.
Një tragjedi që prek zemrën e çdo prindi dhe mbarë opinionit publik. Në këto momente të vështira, shpreh ngushëllimet e mia më të sinqerta për familjarët, të afërmit dhe të gjithë banorët e zonës, duke u lutur që Zoti t’u japë forcë për ta përballuar këtë dhimbje të madhe.
U prehshin në paqe.
