Franca ka urdhëruar dëbimin e gazetares ruse Xenia Fedorova, ish-drejtoreshë e RT France, duke e akuzuar atë se ka shpërndarë propagandë të Kremlinit, kanë bërë të ditur disa media lokale.
Vendimi është konfirmuar nga Ministria e Brendshme, sipas një njoftimi të parë nga gazeta Liberation dhe të raportuar nga Le Parisien.
Sipas dekretit, veprimet e Fedorovës “cenon interesat themelore të shtetit” dhe praninë e saj të vazhdueshme në territorin francez e cilëson si “kërcënim veçanërisht serioz dhe aktual për rendin publik”.
Autoritetet e akuzojnë gazetaren se ka vepruar si “përcjellëse e fushatave të dezinformimit të drejtuara nga autoritetet ruse”, me synimin për të “destabilizuar rendin publik” në Francë.
Aktualisht, Fedorova shfaqet si kolumniste në disa media franceze të kontrolluara nga miliarderi konservator Vincent Bollore, përfshirë CNews, Journal du Dimanche, JDNews dhe Europe 1.
Ministri i Jashtëm Jean-Noel Barrot ka deklaruar më parë se ajo është “propagandiste të certifikuar që shërben si kanal i Kremlinit për dezinformimin”.
Fedorova ka qenë më parë drejtuese e RT France, filialit francez të transmetuesit rus të financuar nga shteti. Bashkimi Evropian ndaloi transmetimin e RT dhe Sputnik në vitin 2022 pas fillimit të luftës në Ukrainë.
