Aty ku vetëm pak ditë më parë turistët kalonin orë të tëra duke shijuar ujin e kthjellët, sot panorama ka ndryshuar krejtësisht.
Reshjet intensive të shiut dhe përkeqësimi i motit kanë rritur ndjeshëm prurjet në Lumin e Shalës, duke bërë që rrjedha të marrë sërish shtratin e saj natyror.
Për pasojë, uji ka përmbytur shezllonët dhe zonat e krijuara nga bizneset buzë lumit për pushuesit, megjithatë pa shkaktuar dëme të konsiderueshme.
Pamjet ilustrojnë fuqinë e prurjeve, të cilat kanë rimarrë hapësirën që gjatë sezonit veror përdoret për aktivitete turistike.
Burimi: Portali Veriu Sot
