Salarjon Totaj, bashkëshorti i deputetes së Partisë Socialiste dhe ish-ministres së Jashtme, Elisa Spiropali, është paraqitur këtë të martë në Drejtorinë e Policisë së Tiranës, ku është marrë në pyetje nga autoritetet.
Sipas informacioneve paraprake, ai dyshohet se i ka dërguar mesazhe me përmbajtje kërcënuese drejtoreshës së Tatimeve. Burime bëjnë me dije se ngjarja lidhet me një kontroll tatimor të ushtruar ndaj një subjekti që dyshohet se ka lidhje me Totajn.
Deri në këtë fazë nuk ka një reagim apo njoftim zyrtar nga Policia e Tiranës mbi procedurën e ndjekur, ndërsa mbetet e paqartë edhe përmbajtja e mesazheve që janë bërë objekt i verifikimeve.
