Në Gjykatën e Shkodrës janë paraqitur këtë të hënë për t’u njohur me masat e sigurisë Agron Mehmeti dhe Avni Fregjaj, babë e bir, të përfshirë në ngjarjen e ndodhur katër ditë më parë në Poliklinikën e Shkodrës, ku mbeti i plagosur 32-vjeçari Vildan Kepëca.
Përpara gjykatës është paraqitur gjithashtu edhe Arben Kepëca, vëllai i të plagosurit, i cili do të njihet me masën e sigurisë.
Sipas hetimeve paraprake, 18-vjeçari Arvin Fregjaj plagosi me thikë Vildan Kepëcën brenda ambienteve të poliklinikës. Menjëherë pas ngjarjes, Arben Kepëca dyshohet se tentoi të vriste 18-vjeçarin, por ndërhyrja e menjëhershme e policisë bëri të mundur parandalimin e një ngjarjeje edhe më të rëndë.
