Një kamion me tonazh të rëndë është filmuar pasditen e së shtunës, më 18 korrik, rreth orës 16:05, duke qarkulluar në rrugën kryesore të qytetit të Shkodrës, në një kohë kur qarkullimi i mjeteve të tilla gjatë fundjavës është i kufizuar për shkak të sezonit turistik.
Sipas pamjeve, mjeti transportonte inerte dhe ishte pa mbulesën mbrojtëse, e cila është e detyrueshme për të shmangur rënien e materialeve në rrugë dhe rrezikimin e përdoruesve të tjerë të saj.
Kujtojmë se prej datës 1 korrik kanë hyrë në fuqi masat sezonale që ndalojnë qarkullimin e mjeteve me tonazh të rëndë në fundjavë, me përjashtim të rasteve të parashikuara nga ligji.
Burimi: News Power
