Mirsad Basha ka ngritur shqetësimin për gjendjen e shërbimeve në plazhin e Velipojës dhe për mirëmbajtjen e shatërvanëve në qendër të Shkodrës.
Përmes një postimi në rrjetet sociale, ai i është drejtuar kryetares së Këshillit Bashkiak, Ermira Teliti, dhe kryebashkiakut Benet Beci, duke kërkuar më shumë investime dhe shërbime në Velipojë, duke theksuar se zona gjeneron të ardhura të konsiderueshme nga parkimet, shezllonet, panairet, eventet dhe aktivitetet e tregtarëve ambulantë.
Në reagimin e tij, Basha kërkon gjithashtu ndërhyrje për pastrimin dhe ndërrimin e ujit në dy shatërvanët e qendrës së qytetit, duke i cilësuar ato në gjendje të papërshtatshme.
Postimi ka nxitur reagime në rrjet, ndërsa mbetet për t’u parë nëse Bashkia Shkodër do t’i përgjigjet këtyre shqetësimeve me masa konkrete.
