Ambasada ruse në Shqipëri ka reaguar ndaj komentave të bëra nga Blendi Gonxhja, ministër i Turizmit, Kulturës dhe Sportit, dhe Taulant Balla, kreu i Grupit Parlamentar të Partisë Socialiste. Të dy ata kanë sugjeruar se pas protestave, të cilat po vazhdojnë për 34 ditë, fshihet Moska.
Me anë të një postimi në platformat sociale, Ambasada Ruse shprehu se këto deklarata janë të papritura dhe theksoi se ato nuk janë hera e parë që tregojnë se qeveria shqiptare është në kërkim të armiqve, edhe aty ku ata nuk ekzistojnë.
Ambasada e Ruse theksoi se përfaqësuesit e qeverisë shqiptare duhet të jenë të kujdesshëm në shprehjet e tyre.
“Deklaratat e Ministrit të Turizmit, Kulturës dhe Sportit të Shqipërisë B.Gonxhja, dhe ato të Kryetarit të Grupit Parlamentar të PS, T.Balla, në lidhje me ‘përfshirjen e Kremlinit’ në protestat që zhvillohen në vend, janë të habitshme. Pretendime të ngjashme po bëhen edhe në disa media nga gazetarë të caktuar. Këto deklarata janë plotësisht të pabaza.”
❗️Rusia ndjek me rigorozitet njërin prej parimeve të saj themelore të politikës së jashtme: parimin e mosndërhyrjes në çështjet e brendshme të vendeve të tjera. Moska gjithmonë respekton vendimin e popullit dhe bashkëpunon me qeveritë e legjitimisht të zgjedhura. Ne urojmë suksese dhe begati popullit shqiptar, pavarësisht situatës politike dhe nivelit aktual të marrëdhënieve.
Me keqardhje, vërejmë se kjo nuk është hera e parë që politikanë shqiptarë përpiqen t’i imponojnë publikun lokale idenë e ndikuar nga Rusia, duke e quajtur atë ‘ndikim dashakeq’. Apelojmë për një qasje më të përgjegjshme ndaj këtyre deklaratave dhe përmbajtje nga kërkimi i armiqve aty ku ata nuk ekzistojnë,” – thuhet në reagimin e ambasadës.
