Protestuesit që morën pjesë në protestën e 31-të qytetare kanë njoftuar një tjetër veprim, duke treguar se nesër në orën 10:00 do të qëndrojnë pranë Prokurorisë së Posaçme (SPAK).
Gjatë fjalës së tij në protestë, Edison Lika, një prej organizatorëve, bëri me dije se do t’i dorëzojnë SPAK-ut atë që ata e quajnë provë për hetimin e kryeministrit Edi Rama.
“Do të vazhdojmë me veprimet tona gjatë mëngjesit.
Në orën 10 do të jemi te SPAK-u për të dërguar armën e krimit “The Albanian Files”. Kjo do të sigurojë burgosjen e Edi Ramës. Ju lutem, firmosni të gjithë në këtë shesh, në mënyrë që të kuptohet se ajo armë krimi mban firmën e secilit prej nesh”, theksoi ai.
