Në Fier, festa e grurit, një traditë që shënon fillimin e sezonit të korrjeve, tërhoqi mijëra vizitorë.
Një numër i madh njerëzish shijuan kulinari tradicionale dhe u përfshinë në koncertin e muzikës popullore.
Kjo festë ka si objektiv kryesor promovimin dhe inkurajimin e fermerëve për të kultivuar grurë, me theks të veçantë në drithërat vendase.
Drejtoresha e Partisë Socialiste në Qarkun e Fierit theksoi se qeveria po ofron mbështetje për fermerët përmes subvencioneve, në përpjekje për t’i ndihmuar ata të qëndrojnë të angazhuar me bujqësinë.
Tradita e festimit të fillimit të korrjeve dhe e gëzimit për “bukën e re” ka origjinë të lashtë, ndërsa festa e grurit është rikthyer prej tetë vitesh nga bashkia e Fierit, e cila e organizon këtë ngjarje pranë Apolonisë antike.
Ky event është vlerësuar nga Agjencia Kombëtare e Turizmit, e cila e ka renditur mes pesë festave tradicionale më përfaqësuese në nivel vendi.
