Florencia Pena, prezantuesja e njohur televizive nga Argjentina, ka vendosur të japë dorëheqjen pas shpërndarjes së një informacioni të pasaktë në lidhje me vdekjen e babait të Lionel Messit, Jorge.
Pena, që është 51 vjeçe, bëri këtë njoftim në emisionin e saj El Shoë del Verano në Luzu TV, ku në një moment të transmetimit publikohet lajmi për Jorgen, 68 vjeç, që më vonë u vërtetua si i pavërtetë.
“I kërkoj falje familjes Messi për këtë moment të vështirë që imagjinoj se ata po e përjetojnë. Më vjen thellësisht keq për dhimbjen që kam shkaktuar”, tha ajo.
Ajo theksoi se informacione të gabuara iu dhanë nga ekipi i redaksisë gjatë transmetimit, siç u konfirmua më pas nga grupi i produksionit të programit. “E besova atë që më thanë dhe marr përsipër të gjitha pasojat,”- shprehu pena, duke e pranuar përgjegjësinë e saj.
“Nuk ndihem mirë; kjo ka qenë dhe vazhdon të jetë një periudhë shumë e vështirë për mua. I kërkoj falje jo vetëm familjes Messi, por edhe të gjithë atyre që janë ndjerë të prekur nga kjo situatë. Faleminderit që më lejuat të shpreh veten,” përfundoi ajo.
