Mesfushori i Republikës Demokratike të Kongos, Ngal’ayel Mukau, ka bërë një deklaratë e cila ka kapur vëmendjen pas barazimit 1-1 me Portugallën në Botërorin e futbollit. Futbollisti 21-vjeçar theksoi se ekipi i tij nuk kishte hartuar ndonjë strategji specifike për të kufizuar Cristiano Ronaldon.
“Nuk kishim një plan për ta ndaluar Ronaldon. E dimë se ai nuk është më në nivelin e tij të dikurshëm. Tani është pak më i moshuar. Megjithatë, ai vazhdon të jetë një nga më të mirët dhe unë e respektoj shumë”, shprehu Ngalayel Mukau.
