Franca do të goditet nga një valë e fortë e nxehti duke filluar nga e mërkura, me temperatura që pritet të arrijnë deri në 40°C gjatë fundjavës, sipas Météo-France.
Në një konferencë për mediat, meteorologia Christelle Robert theksoi se modelet e parashikimit aktual sugjerojnë se disa rajone të vendit do të përjetojnë temperatura të jashtëzakonshme.
“Disa nga këto modele tregojnë se temperatura mund të arrijë deri në 40°C në disa zona,” tha ajo.
Rajonet që përballen me rrezikun më të lartë nga nxehti ekstrem përfshijnë Poitou-Charentes, Centre-Val de Loire, Île-de-France dhe Luginën e Rhône, ku temperaturat mund t’i afrohen ose madje të tejkalojnë 40 gradë Celsius në disa prej zonave lokale.
Valë e nxehti pritet të arrijë kulmin e saj të dielën, në ditën e solsticit të verës, duke ngritur shqetësime lidhur me ndikimet në shëndetin publik, bujqësi dhe infrastrukturë. Autoritetet franceze janë duke mbajtur nën monitorim situatën dhe mund të japin paralajmërime shtesë nëse temperatura vazhdon të rritet.
