Një apartament në katin e 8-të të një pallati në lagjen Pavarësia,në qytetin e Vlorës është përfshirë nga flakët gjatë natës.
Menjëherë pas kësaj forcat zjarrfikëse kanë mbërritur në vendgjarje dhe kanë bërë të mundur neutralizimin e flakëve.
Për shkak të lartësisë së apartamentit, ndërhyrja e zjarrfikësve ka qenë e vështirë, por kanë bërë të mundur shuarjen e flakëve në mënyrë që mos të përfshiheshin hyrjet e tjera.
Nuk raportohet për persona të lënduar, por dëmet materiale janë të konsiderueshme.
Ende nuk dihet shkaqet e rënies së zjarrit, ndërsa ekspertët të kryejnë verifikimet përkatëse.
