Fatjon Baci, oficeri i policisë së burgjeve i arrestuar pasi dyshohej se i dha telefonin celular kryebashkiakut të Tiranës, Erjon Veliaj, gjatë shoqërimit të tij në Institucionin e Ekzekutimit të Vendimeve Penale, është liruar nga burgu.
Baci u vu nën hetim pas dyshimeve se kishte shkelur procedurat duke i mundësuar Veliajt përdorimin e një telefoni celular gjatë transferimit dhe shoqërimit të tij. Ngjarja shkaktoi reagime të shumta dhe ngriti pikëpyetje mbi respektimin e rregullave të sigurisë në sistemin penitenciar.
Gjykata ka vendosur lirimin e tij, ndërsa hetimet për çështjen vijojnë për të zbardhur plotësisht rrethanat dhe përgjegjësitë e përfshira.
