Agron Shehaj, kreu i partisë Mundësia, është përjashtuar nga seanca plenare pas një shkëmbimi të ashpër fjalësh me ministrin Petrit Malaj.
Debati nisi kur Malaj i kërkoi Shehajt të ofronte sqarime për pasurinë e tij para qytetarëve shqiptarë.
“Cila është lidhja jote, e bashkëshortes tënde apo e vëllait tënd me kompanitë Intercom Data Service apo North Wind?” ishte pyetja e thënë nga Malaj.
Përgjigja e Shehajt ndaj ministrit ishte po aq e ashpër: “Si në kohën e komunizmit, merreni me familjen time, po s’ju vjen turp fare? Po një qytetari të thjeshtë, çfarë i bën ti more maskara? Çfarë i bën? Më thuaj? I dërgon policinë? Më kërcënon haptas, si guxon? Si guxon, maskara. Je maskara, je një maskara, palaco, hajdut.”
