Vizita e kryeministrit, Edi Rama në Shkodër dhe takimi me socialistët në Kalanë e Rozafës ka sjellë një situatë që ka ngjallur reagime te qytetarët. Ndërsa policia ka angazhuar dhjetëra efektivë për sigurinë e aktivitetit, qindra automjete janë parë të parkuara mbi trotuare dhe përgjatë rrugës drejt kalasë, në kundërshtim me rregullat e qarkullimit.
Pamjet kanë ngritur pyetjen nëse ligji zbatohet njësoj për të gjithë, pasi në një ditë të zakonshme parkime të tilla do të ndëshkoheshin. Ndërkohë, policët ndodhen vetëm pak metra larg, të fokusuar në mbarëvajtjen e aktivitetit politik.
A ka rregulla të veçanta kur bëhet fjalë për një aktivitet partiak?
