Një incident i dhunshëm ka ndodhur rreth orës 23.00 të së premtes në lagjen nr. 3 të Sarandës, në zonën e njohur si “Ekualipsi”.
Një grup individësh janë angazhuar në një përplasje për shkaqe të paqarta, duke u goditur me grushte dhe objekte të forta.
Në vendin e ngjarjes janë derdhur forca të shumta të policisë dhe të FNSH-së, të cilat kanë proceduar me shoqërimin e 6 personave në Komisariatin e Policisë Sarandë.
Përveç kësaj, disa prej të lënduarve kanë kërkuar ndihmë mjekësore në spitalin e Sarandës.
Policia ka nisur hetimet dhe po punon për të dokumentuar në detaje ngjarjen e ndodhur.
