Një vatër zjarri është shfaqur gjatë orëve të drekës në afërsi të Shkollës Pyjore “Kolë Margjini” në Shkodër.
Flakët kanë përfshirë shkurre dhe bar në oborrin e një banese të vjetër, duke krijuar një situatë që ka kërkuar ndërhyrjen e shërbimit zjarrfikës.
Zjarrfikësit kanë mbërritur në vendngjarje dhe kanë bërë të mundur neutralizimin e flakëve, duke shmangur përhapjen e zjarrit drejt banesave dhe objekteve përreth.
Nga të dhënat paraprake, dyshohet se zjarri mund të jetë shkaktuar qëllimisht, ndërsa priten verifikimet për të përcaktuar rrethanat e sakta të ngjarjes.
