Një vatër zjarri është aktivizuar në zonën e fshatit Panaja në Vlorë, ku flakët po përhapen me shpejtësi të favorizuara nga era e fortë dhe temperaturat e larta.
Sipas informacioneve paraprake, zjarri ka përfshirë bimësi dhe shkurre, ndërsa flakët po avancojnë drejt kodrave dhe parcelave me ullishte, duke rrezikuar sipërfaqe të konsiderueshme.
Situata paraqitet e vështirë edhe për shkak të terrenit të thyer, i cili sipas raportimeve, po pengon ndërhyrjen normale të forcave zjarrfikëse.
Ndërkohë, era e fortë vijon të favorizojë avancimin e flakëve, duke shtuar rrezikun për zona të tjera me bimësi dhe ullinj në afërsi të fshatit.
