Pasditen e sotme, një zjarr i madh ka përfshirë kodrat pranë fshatit Kropisht, që ndodhet në Bashkinë Selenicë.
Flakët kanë djegur një sipërfaqe të gjerë me ullinj dhe janë duke iu afruar banesave, duke shtuar rrezikun për komunitetin vendas.
Mësohet se, nëse zjarri vazhdon të përhapet me këtë ritëm, kërcënimi për banorët e Kropishtit pritet të shtohet edhe më shumë në orët e ardhshme. Bazuar në të dhënat fillestare, në zonën e zjarrit ende nuk janë paraqitur forcat zjarrfikëse të Bashkisë Selenicë.
