Identitetet e personave të përfshirë në tragjedinë e ndodhur këtë mbrëmje në Kavajë janë bërë tashmë të njohura, ku një mosmarrëveshje mes dy vëllezërve përfundoi fatkeqësisht me humbjen e një jete.
Sipas informacioneve fillestare, dyshohet se 76-vjeçari Muhamet Rreshka ka goditur me thikë vëllain e tij, 74-vjeçarin Eqerem Rreshka.
Pasi ka ndodhur incidenti, i plagosuri është dërguar me urgjencë në spital për ndihmë mjekësore, por fatkeqësisht nuk ka arritur të mbijetojë nga plagët e marra dhe ka ndërruar jetë gjatë rrugës.
Forcat e policisë dhe grupi hetimor po punojnë për të zbardhur të gjitha rrethanat që çuan në këtë ngjarje të rëndë.
