Pasditen e së martës, në bulevardin “Ismail Qemali” të Vlorës, në zonën e njohur si Aleksandria, ka ndodhur një aksident rrugor.
Dy skuterë janë përplasur mes tyre, duke lënë të plagosur të dy drejtuesit e mjeteve si pasojë e këtij incidenti.
Të lënduarit janë dërguar menjëherë në Spitalin Rajonal të Vlorës, ku po marrin trajtim mjekësor të specializuar.
Në vendin e ngjarjes kanë mbërritur forcat e Policisë, të cilat kanë nisur hetimet për të zbardhur shkakun dhe rrethanat e përplasjes.
Ende nuk ka informacione të detajuara në lidhje me gjendjen shëndetësore të të plagosurve.
