Melos Bajrami ka zyrtarizuar largimin e tij nga Vllaznia, pas disa ditësh që është ndarë nga ekipi. Klubi nga Shkodra e vlerëson kontributin e tij gjatë kohës që ka kaluar me fanellën kuqeblu dhe i uron suksese në vazhdimësi të karrierës së tij.
Ky është statusi i publikuar nga Vllaznia:
“Faleminderit, Melos Bajrami!
Pas dy sezoneve me ngjyrat kuqeblu, aventura e Melos Bajramit me Vllazninë përfundon këtu.
Me përkushtimin dhe seriozitetin e tij, Melosi ka kontribuar ndjeshëm në sukseset e skuadrës sonë në një periudhë të rëndësishme për klubin.
KF Vllaznia shpreh mirënjohjen për të gjitha angazhimet dhe përpjekjet e tij për këto ngjyra, duke i uruar suksese të reja në karrierën e tij sportive dhe në çdo sfidë që e pret në të ardhmen.
Faleminderit, Melos!”
