Një histori e trishtueshme ka dalë në pah pas tragjedisë që sollën tërmetet e fuqishme në Venezuelë.
Andrea Bello, bashkëshortja e futbollistit venezuelian Héctor Bello, humbi jetën duke e mbrojtur vajzën e tyre të vogël gjatë rrëzimit të ndërtesës ku ishin ndodhur.
Sipas dëshmive nga futbollisti dhe raportimeve të mediave, fëmija ia doli të mbijetojë falë sakrificës së nënës së saj.
Në një postim emocionues në rrjetet sociale, Héctor Bello shprehu se do t’i tregojë vajzës së tyre se nëna e saj sakrifikoi jetën për ta shpëtuar.
“Do t’i tregoj historinë se si e shpëtove dhe se si dhe jetën tënde e dhe për vajzën tonë. Ishe një grua e guximshme që nuk e braktise kurrë, edhe kur more frymën e fundit”, shkroi ai.
Futbollisti njoftoi gjithashtu se vajza e tij dhe tezja e saj janë në spital, jashtë rrezikut për jetën, ndërsa ai po përballet me dhimbjen nga humbja e bashkëshortes.
Për më tepër, ekipet e shpëtimit vazhdojnë operacionet në zonat e prekura nga dy tërmetet që goditën veriun e Venezuelës. Sipas autoriteteve, deri tani janë raportuar të paktën 589 viktima dhe rreth 2,980 të plagosur, ndërsa mijëra të tjerë vazhdojnë të mbeten të zhdukur.
Mes viktimave janë gjithashtu shtetas të huaj, përfshirë katër spanjollë, një portugez dhe dy brazilianë, ndërsa komuniteti ndërkombëtar ka filluar të ofrojë ndihmë për të përballuar këtë katastrofë.
