Senati Akademik i Universitetit të Shkodrës “Luigj Gurakuqi” ka miratuar disa vendimmarrje që lidhen me funksionimin dhe zhvillimin e institucionit.
Në mbledhjen e drejtuar nga rektorja, Prof. Dr. Blerta Dragusha, u miratuan ndryshimet në Rregulloren e Punësimit, tarifat për zhvillimin e kurseve të gjuhës shqipe për të huajt, si dhe hapja e thirrjes për projektet kërkimore-shkencore që do të financohen nga universiteti gjatë vitit 2027.
Sipas universitetit, këto vendime synojnë përmirësimin e kuadrit administrativ, mbështetjen e kërkimit shkencor dhe forcimin e kapaciteteve institucionale.