Të dhënat e para nga ekspertiza mjeko-ligjore lidhur me rastin e 11-vjeçares Liana, e cila u gjet e vdekur në rajonin Gers, kanë ngjallur shqetësime të mëdha për rrethanat që rrethojnë vdekjen e saj. Sipas raportimeve nga mediat franceze, autopsia tregon se vajza mund të ketë rënë viktimë e një agresioni seksual. Hetuesit janë gjithashtu në procesin e analizimit të provave biologjike, ku është identifikuar ADN e dyshuar që lidhet me 41-vjeçarin Jerome Barella, i cili është personi kryesor nën hetim.
Raporti gjithashtu përshkruan disa shenja që sugjerojnë mundësinë e kufizimit të lëvizjeve dhe mbylljes së gojës, elemente që autoritetet po i shqyrtojnë si pjesë të një skenari më të gjerë dhune. Megjithatë, shkaku i saktë i vdekjes ende nuk është e qartë.
I dyshuari aktualisht ndodhet në paraburgim dhe po hetohet për rrëmbim dhe ndalim të paligjshëm. Prokuroria franceze është duke vlerësuar nëse provat e reja mund të çojnë në zgjerimin e akuzave, duke përfshirë ato për dhunë seksuale dhe vrasje. Hetimet vijojnë, ndërkohë që autoritetet theksojnë rëndësinë e saktësisë në përcaktimin e shkakut të vdekjes për avancimin e mëtejshëm të çështjes.
