Ministri izraelit i Sigurisë Kombëtare, Itamar Ben Gvir, ka shoqëruar me deklarata punimet për shembjen e një pallati pesëkatësh në Jerusalemin Lindor, ku jetonin 10 familje.
“Nën drejtimin tim, po shembim një ndërtesë pesëkatëshe. Dhjetë familje jetonin këtu, por tani ne jemi pronarët e shtëpisë”, deklaroi Ben Gvir.
Sipas raportimeve të mediave palestineze, banorët kishin marrë ndër vite disa njoftime për shembjen, ndërsa autoritetet izraelite thuhet se kishin refuzuar në mënyrë të përsëritur dhënien e lejeve të ndërtimit.
Guvernatori i Jerusalemit e ka dënuar shembjen, duke e cilësuar si një përshkallëzim të politikave ndaj qytetit të pushtuar dhe duke kundërshtuar përdorimin e mungesës së lejeve si justifikim për aksionin.
“Jerusalemi është yni, shteti i Izraelit është yni. Ky është zhurma që dua më shumë”, vijoi Ben Gvir, ndërsa pas tij shembej një tjetër pjesë e murit.
Sipas të dhënave të raportuara, që prej korrikut janë kryer 139 operacione shembjeje në Guvernatoratin e Jerusalemit, ndërsa gjatë së njëjtës periudhë janë lëshuar edhe 150 urdhra të tjerë shembjeje.
Para aksionit, ndërtesa ishte rrethuar nga forca të ndryshme izraelite, të cilat hynë në zonën e izoluar me mjete ushtarake dhe buldozerë.
