Edhe këtë të martë, Tirana do të shndërrohet në qendër të një mobilizimi të gjerë qytetar, ndërsa në orën 18:00, mijëra protestues do të mblidhen për të zhvilluar protestën e 17-të në kërkim të largimit të kryeministrit Edi Rama.
Siç ka ndodhur edhe në protestat e mëparshme, pjesëmarrësit do të fillojnë grumbullimin në sheshin “Skënderbej”, për të vazhduar marshimin drejt bulevardit “Dëshmorët e Kombit”, ku do të ndalen përpara godinës së Kryeministrisë. Pas këtij tubimi, protestuesit pritet të vazhdojnë marshimin e tyre paqësor nëpër rrugët kryesore të kryeqytetit, duke krijuar përsëri një prani masive në qendër të Tiranës.
