Një ngjarje e rëndë është regjistruar mbrëmjen e së premtes në lagjen Perash në qytetin e Shkodrës, ku një vajzë e mitur ka rënë nga kati i tretë i një pallati.
Sipas burimeve paraprake, e mitura është transportuar me urgjencë në spitalin rajonal të qytetit dhe mësohet se ndodhet jashtë rrezikut për jetën.
Ende nuk janë sqaruar rrethanat e plota të ngjarjes, ndërsa po hetohet nëse bëhet fjalë për një rënie aksidentale apo nëse e mitura është hedhur vetë. Në vendngjarje kanë mbërritur forcat e policisë dhe grupi hetimor, të cilët po punojnë për zbardhjen e plotë të rastit.
