Në Republikën e Kabardino-Barkisë në Rusi, një ortek ka shkaktuar 11 viktima dhe ka lënë gjashtë persona të plagosur, njoftoi të hënën Ministria rajonale e Situatave të Emergjencave.
Ngjarja ndodhi të shtunën, kur një grup prej 33 alpinistësh u përfshi nga orteku në Grykën e Bezengut, sipas të dhënave të ministrisë. Prej tyre, dhjetë persona arritën të shpëtonin dhe të zbrisnin vetë nga mali, ndërsa ende nuk dihet asgjë për fatin e gjashtë të tjerëve.
Ministria bëri të ditur se 56 ekipe shpëtimi janë mobilizuar në zonën e ngjarjes.
“Operacionet e kërkim-shpëtimit po ndërlikohen nga terreni i vështirë dhe rreziku i orteqeve të tjera”, thanë autoritetet. Ata shtuan se një helikopter Mi-8, së bashku me një helikopter komercial, do të përfshihen në operacion sapo të krijohen kushte më të favorshme atmosferike.
