Rritet në 6 numri i viktimave nga shpërthimi i fuqishëm në Plaka të Athinës.
Ekipet e kërkim-shpëtimit kanë nxjerrë nga rrënojat trupat e të gjashtë personave që rezultonin të zhdukur pas shembjes së ndërtesës.
Mes viktimave janë edhe tre shqiptarë me shtetësi amerikane, Florin Hoxha, Florida Hoxha dhe Eris Cani. Tre shqiptarët ishin familjarë: Florin Hoxha dhe Florida Hoxha ishin vëlla e motër, ndërsa Eris Cani ishte bashkëshorti i Floridës.
Kështu, bilanci tragjik i shpërthimit të ndodhur të premten në mëngjes në rrugën Lysikratous, në zemër të Athinës, shkon në gjashtë viktima.
Autoritetet vijojnë hetimet për zbardhjen e shkaqeve të shpërthimit, ndërsa dyshimet paraprake lidhen me një rrjedhje gazi natyror.
