Federata Portugeze e Futbollit ka ndërmarrë një masë të përkohshme ndaj Kristiano Ronaldos, duke e pezulluar përkohësisht derisa të merret një vendim përfundimtar për të ardhmen e tij.
Ky pezullim vjen pas largimit të Ronaldos pa leje nga grumbullimi i kombëtares para ndeshjes kundër Danimarkës, pas përplasjeve të tij me trajnerin Zhorge Zhezus, njoftojnë burime të afërta me Federatën.
Vetë sulmuesi dha një propozim për zgjidhjen e situatës. Në një letër të hapur të publikuar në rrjetet sociale, Kristiano Ronaldo ndau qëndrimin e tij për ngjarjet në kampin portugez.
CR7 shprehu ndjesë ndaj tifozëve për veprimet e tij, duke i bërë thirrje Federatës të zbatojë rregulloren dhe të zhvillojë bisedime për ta kapërcyer këtë konflikt.
Federata, në deklaratën e saj zyrtare, nuk ka bërë të ditur se për sa ndeshje do të zgjasë pezullimi, por është lënë e hapur mundësia që së shpejti të realizohen bisedime mes palëve, pasi ka ende kohë deri tek ndeshjet e ardhshme të Ligës së Kombeve të planifikuara në mesin e nëntorit.
Mbështetësit e Portugalisë presin që palët të gjejnë konsensus, me shpresën që legjenda e futbollit portugez të ketë një lamtumirë të denjë nga përfaqësuesja, ku mban rekordin botëror me 234 paraqitje dhe 146 gola të shënuar.
