Të shtëna me armë zjarri janë raportuar mbrëmjen e kësaj të shtune në fshatin Barbullush, njësia administrative e bashkisë Vau i Dejës, duke shkaktuar shqetësim te banorët e zonës.
Menjëherë pas njoftimeve të marra, shërbime të shumta të Policisë janë nisur drejt vendit të ngjarjes për të verifikuar informacionin dhe për të identifikuar personin ose personat e përfshirë.
Sipas të dhënave paraprake, nuk raportohet për persona të lënduar. Dyshimet e para janë se të shtënat janë qëlluar në ajër, ndërsa arsyet e këtij incidenti ende nuk janë sqaruar.
Grupi hetimor po punon në vendngjarje për të zbardhur rrethanat e plota, ndërsa pritet edhe reagimi zyrtar i Policisë.
