Një qytetar denoncoi Policinë e Shtetit nga sheshi para Kryeministrisë se jo vetëm i dhunon qytetarët pjesëmarrës, por edhe i gjobit makinat e tyre pse i bashkohen revoltës.
Ai deklaroi se policia po tregohet pa dinjitet, kurse kryeministri Rama përbuz popullin e tij.
“Ata policë halabakë dhunuan qytetarët gjatë ndeshjes Shqipëri-Izrael, e kujt i interesonte ajo ndeshje atë ditë. Pavarësisht gjobave që i vendos të gjithë protestuesve që vijnë këtu nëpër makina, i them do i paguajë ai dhe ne do vijmë këtu, nuk do dorëzohemi. Ka shtet, ka rrogë por ka edhe dinjitet. Nuk mund t’i gjuash njerëzit, nuk mund t’i arrestosh njerëzit ashtu. Kam shumë rezervë, edhe për Ramën, ajo përbuzja e tij. Ai kryeministër pa pik turpi i përbuz njerëzit”, tha qytetari mes të tjerash, teksa shoqërohej edhe nga djali i tij.
