Në protestën e mbajtur për të 15-tën ditë radhazi para Kryeministrisë, një nga protestuesit shprehu se bashkimi i shqiptarëve për këtë periudhë “ka zgjuar” SPAK-un dhe sistemin e drejtësisë.
Ai theksoi se numri i atyre që marrin pjesë në protestë vazhdon të rritet, ndërsa bëri thirrje për dorëheqjen e kryeministrit, që kërkohet me insistim nga qytetarët.
“E bëmë këtë qeveri të flasë me vete dhe të bëjë nami në të gjithë botën. Sot shënojmë ditën e 15-të kur shqiptarët janë bashkuar kundër të keqes. Bashkimi ynë çoi në përmirësimin e SPAK-ut dhe drejtësisë,” shprehu ai.
“Pas 35 vitesh, shqiptarët u mblodhën për të treguar se janë pasardhës të Skënderbeut. Në fillim ishim 2 mijë, ndërsa dje numri arriti në 200 mijë në shesh,” shtoi ai.
“Teksa ti po vazhdon monologun, kryeministër, kam një mesazh për ty: Turistët janë këtu me ne, ndërsa patronazhistët të kanë braktisur,” përfundoi ai.
