Për ditë me radhë, protestat dhe kundërshtimet për privatizimin e Zvërnecit kanë kaluar pa asnje raportim nga mediat kombëtare. Pavarësisht reagimeve të shumta në rrjetet sociale, prania e televizioneve në terren ka qenë zero, ndërsa raportimet të pakta ose inekzistente.
Ndryshe ka ndodhur sot në protestën e zhvilluar para Kryeministrisë, ku janë parë ekipe të disa mediave kombëtare, mes tyre RTSH, Syri TV dhe News24. Ky ndryshim ka ngritur pikëpyetje se përse një çështje që ka shkaktuar kaq shumë debat publik nuk ka marrë më herët të njëjtën vëmendje mediatike.
Zvërneci mbetet një nga temat më të diskutuara të ditëve të fundit, ndërsa protestuesit vijojnë të kërkojnë transparencë dhe mbrojtjen e interesit publik.
