Studentë dhe qytetarë janë mbledhur sot, më 22 tetor, në një protestë të gjatë që nisi herët në mëngjes.
Tubimi u hap në orën 09:00 përpara godinës së parlamentit. Gjatë seancës parlamentare ku u diskutua edhe tema e protestës, nuk munguan momentet me tension.
Pjesëmarrësit vazhdojnë të qëndrojnë në sheshe; aktualisht ata ndodhen përballë Kryeministrisë.
Numri i protestuesve është rritur dukshëm, ndërsa kërkesa kryesore e studentëve mbetet e pandryshuar: largimi i kryeministrit Edi Rama.
Për të shtunën është paralajmëruar një protestë e madhe kundër qeverisë.
