Autoriteti Kombëtar i Ushqimit ka tërhequar nga tregu biskotat gjermane, “EnerBiO Dinkel Waffeln Natur” të cilat shiteshin në supermarketet “Rossmann&Lala”.
Shkak për këtë tërheqje është bërë niveli i lartë i mykotoksinave që përmbante ky produkt.
Sipas raportimeve, rasti është njoftuar fillimisht nga kompania “Dirk Rossmann GmbH” në Gjermani, si masë parandaluese e tejkalimit të nivelit të lejuar të mykotksinave, toksinave të mykut.
AKU ka bërë thirrje për konsumatorët, nëse e kanë blerë këtë produkt dhe e kanë gjendje ta kthejnë pranë pikave të shitjes.
“Referuar njoftimit të ardhur nga subjekti Rossman & Lala mbi tërheqjen nga tregu të produktit EnerBiO Dinkel ëaffeln Natur (EAN 4305615676876 / DAN 055700) – Date skadence 18.01.2027, njoftim ky i bërë nga kompania Dirk Rossmann GmbH” në Gjermani, si masë parandaluese e tejkalimit të nivelit të lejuar të mykotksinave,/toksina të mykut.
Të dhënat e produktit:
Emri I Produktit :EnerBiO Dinkel ëaffeln Natur (EAN 4305615676876 / DAN 055700
Datë skadence : 18.1.2027
Nga ana e subjekti jemi njoftuar se është bërë tërheqja e menjëhershme e artikullit nga të gjitha pikat e shitjes pa dallim LOT Number dhe datë skadence.
Autoriteti Kombëtar i Ushqimit po merr masat për të kryer verifikimet përkatëse referuar njoftimit të kryer nga OBU, ku dhe i bën thirrje konsumatorëve që nëse e kanë blerë këtë produkt dhe e kanë gjendje ta kthejnë pranë pikave të shitjes”,- thuhet në njoftimin e AKU-së.
