Pesë persona janë arrestuar dhe 15 të tjerë janë shpallur në kërkim, pasi dëmtuan me mjete të forta dyert dhe dritaret e godinës së Gjykatës së Apelit gjatë një tubimi të zhvilluar sot.
Policia njoftoi gjithashtu sekuestrimin e një sasie të lëndëve piroteknike.
Pas hetimeve të kryera lidhur me incidentin pranë Gjykatës së Apelit, u identifikuan 20 individë të dyshuar për dëmtimin e dyerve dhe dritareve të këtij institucioni me sende të forta.
Prej tyre, u vunë në pranga pesë shtetas: A. P., 37 vjeç; S. R., 32 vjeç; L. D., 20 vjeç; P. P., 24 vjeç, si dhe një i mitur 16-vjeçar.
Gjatë kontrollit, tek 16-vjeçari u gjetën lëndë piroteknike, të cilat u sekuestruan.
Ndërkohë, për 15 personat e tjerë të identifikuar është shpallur kërkimi dhe po vijon puna për kapjen e tyre.
