Në vazhdën e vendimit të fundit të Gjykatës Speciale në Hagë, komuniteti shqiptaro-amerikan ka njoftuar për organizimin e një proteste që do të mbahet përpara selisë së Organizatës së Kombeve të Bashkuara (OKB) në New York.
Siç bën të ditur platforma “Liria ka Emër”, grumbullimi do të organizohet të martën, më 22 shtator, duke filluar nga ora 18:00. Protesta është thirrur nga anëtarë të komunitetit shqiptaro-amerikan dhe do të zhvillohet përballë ndërtesës së OKB-së.
Kjo lëvizje vjen si reagim ndaj vendimit të Gjykatës Speciale në Hagë për çështjen e ish-drejtuesve të Ushtrisë Çlirimtare të Kosovës: Hashim Thaçi, Kadri Veseli, Jakup Krasniqi dhe Rexhep Selimi.
Pjesëmarrësit dhe organizatorët e protestës synojnë të ndajnë publikisht qëndrimin e tyre rreth vendimit të Hagës dhe zhvillimeve që kanë ndjekur pas këtij procesi gjyqësor.
