Rreth 6 mijë rrënjë Cannabis Sativa janë zbuluar në një parcelë në zonën e Dajçit, në Shkodër. Forcat e Policisë ndodhen aktualisht në vendngjarje dhe po vijojnë veprimet për dokumentimin e plotë të rastit.
Ky operacion antikanabis vjen vetëm dy ditë pas zbulimit të një tjetër parcele me rreth 7 mijë rrënjë kanabis në Reç të Velipojës, operacion që solli pezullimin e shefit të Komisariatit të Shkodrës.
Ndërkohë, drejtori i Përgjithshëm i Policisë së Shtetit nuk mori masë ndaj drejtorit vendor të Policisë së Shkodrës, Gentian Berberi. Mbetet për t’u parë nëse zbulimi i kësaj parcele të dytë do të sjellë zhvillime të reja dhe përgjegjësi të tjera brenda strukturave të policisë.
