Marshimi i protestuesve vijon nëpër rrugët e Tiranës, ndërsa ata kanë mbërritur në rrugën Myslim Shyri.
Gjatë lëvizjes, ata kanë artikuluar thirrje të shumta kundër qeverisë, si: “Pushteti i tmerruar, shqiptarët e bashkuar”, “Çohuni nga gjumi”, “Nuk shitet Shqipëria, shitet qeveria”.
Me flamuj kombëtarë dhe simbole të Ushtrisë Çlirimtare të Kosovës, grupi i protestuesve e ka vijuar marshimin në kryeqytet.
Kjo është protesta e 115-të, e cila zhvillohet pikërisht në ditën kur SPAK ka vendosur masën “arrest shtëpie” për drejtoreshën e SHISH, Vlora Hyseni, e cila tashmë është larguar nga detyra.
Ndërkohë, lidhur me të njëjtën çështje, atë të AKSHI, është ushtruar kontroll edhe në banesën e ish-drejtorit të Policisë së Shtetit, Ilir Proda.
