Kalaja “Rozafa” po përgatitet për ndërhyrje që synojnë përmirësimin e infrastrukturës dhe përvojës turistike në një prej monumenteve më të njohura të Shkodrës.
Projekti parashikon ndërtimin e një hapësire parkimi të dedikuar për autobusët turistikë, ndërsa një tjetër pjesë e rëndësishme e investimit lidhet me rikualifikimin e shtegut historik që të çon drejt kalasë.
Ndërhyrjet synojnë të lehtësojnë aksesin e vizitorëve, të përmirësojnë lëvizjen në këtë zonë dhe ta bëjnë më funksionale vizitën në monument.
Investimi pritet të ndikojë në rritjen e atraktivitetit të Kalasë së Rozafës, duke ndërthurur më mirë vlerat e trashëgimisë kulturore me nevojat e turizmit.
