Ish-deputeti Arben Malaj ka reaguar ndaj propozimit të Partisë Socialiste për reformën e re territoriale, duke e cilësuar atë jo si një reformë të mirëfilltë, por si një rishikim të hartës territoriale të diktuar nga interesa elektorale.
Në një postim në rrjete sociale, Malaj u shpreh se propozimi nuk synon forcimin e pushtetit vendor, por përfaqëson, sipas tij, një “zaptim” të kompetencave dhe një centralizim të mëtejshëm të vendimmarrjes.
Sipas Malajt, një reformë e mirëfilltë territoriale duhet të rrisë kompetencat dhe burimet financiare të pushtetit vendor, t’i afrojë vendimmarrjet pranë qytetarëve dhe të garantojë zgjedhjen e drejtpërdrejtë të përfaqësuesve lokalë.
Ai argumenton se propozimi i socialistëve shkon në drejtimin e kundërt, duke përqendruar kompetencat dhe investimet në nivel qendror.
